کسی سے خفا میں ہوا ہی نہیں — شارق کیفی
شاعر
کسی سے خفا میں ہوا ہی نہیں
کسی سے خفا میں ہوا ہی نہیں
کبھی مجھ کو یہ حق ملا ہی نہیں
رواں یوں ہی رہنا ہے میرا نصیب
بکھر جاؤں اتنی ہوا ہی نہیں
کئی بار گزرا برابر سے میں
اسے میرا دھوکا ہوا ہی نہیں
جو دنیا نے طے کی ہے میرے لیے
کئے کی مرے وہ سزا ہی نہیں
رکے ہی کہاں سانس لینے کو ہم
جو اس نے کہا وہ سنا ہی نہیں
شارق کیفی
kisi se KHafa main hua hi nahin
kisī se ḳhafā maiñ huā hī nahīñ
kabhī mujh ko ye haq milā hī nahīñ
ravāñ yūñhī rahnā hai merā nasīb
bikhar jā.ūñ itnī havā hī nahīñ
ka.ī baar guzrā barābar se maiñ
use merā dhokā huā hī nahīñ
jo duniyā ne tai kī hai mere liye
kiye kī mire vo sazā hī nahīñ
ruke hī kahāñ saañs lene ko ham
jo us ne kahā vo sunā hī nahīñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں