کسی تانگے میں پھر سامان رکھا جا رہا ہے — شارق کیفی
شاعر
کسی تانگے میں پھر سامان رکھا جا رہا ہے
کسی کی آنسوؤں سے تر بتر داڑھی کے
کچھ ٹوٹے ہوئے بال
آج بھی ممکن ہے مل جائیں
بڑے صندوق میں رکھے
مرے بد رنگ سے اک سویٹر پر
اسی دن کا کوئی ہم شکل دن ہے
کسی تانگے میں پھر سامان رکھا جا رہا ہے
وہی دہلیز ہے
لیکن مرے داڑھی نہیں ہے
مرا لڑکا گلے سے لگ کے میرے
تھپک کر پیٹھ میری
بزرگوں کی طرح مجھ کو تسلی دے رہا ہے
اور میں اک بچے کی صورت رو رہا ہوں
ہچکیوں سے
شارق کیفی
kisi tange mein phir saman rakkha ja raha hai
kisī kī āñsuoñ se tar-ba-tar dāḌhī ke
kuchh TuuTe hue baal
aaj bhī mumkin hai mil jaa.eñ
baḌe sandūq meñ rakkhe
mere bad-rañg se ik suitar par
usī din kā koī ham-shakl din hai
kisī tāñge meñ phir sāmān rakkhā jā rahā hai
vahī dahlīz hai
lekin mire dāḌhī nahīñ hai
mirā laḌkā gale se lag ke mere
thapak kar piiTh merī
buzurgoñ kī tarah mujh ko tasallī de rahā hai
aur maiñ ik bachche kī sūrat ro rahā huuñ
hichkiyoñ se
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں