کسی طور دنیا ٹھکانے لگی — شارق کیفی
شاعر
کسی طور دنیا ٹھکانے لگی
کسی طور دنیا ٹھکانے لگی
تو اندر کی دنیا نچانے لگی
گئے تھے کہ اظہار کر دیں گے آج
وہ شادی کا جوڑا دکھانے لگی
بہت دور ڈوبا ہے کوئی جہاز
میری ناؤ کیوں ڈگمگانے لگی
کہا موت سے میں نے کب آئے گی
وہ اپنی ہتھیلی دکھانے لگی
ہوا نے چراغوں سے کی معذرت
مگر جب عدالت سے جانے لگی
خزاں پیڑ سے کھیل کر تھک گئی
تو پتے ہوا میں اڑانے لگی
بہ مشکل کھلا تھا ذرا آسماں
تو اندر سے بوچھار آنے لگی
یہ لڑکی تو دل جیت لے گی میرا
تمہاری طرح مسکرانے لگی
شارق کیفی
kisi taur duniya Thikane lagi
kisī taur duniyā Thikāne lagī
to andar kī duniyā nachāne lagī
ga.e the ki iz.hār kar deñge aaj
vo shādī kā joḌā dikhāne lagī
bahut duur Duubā hai koī jahāz
merī naav kyoñ Dagmagāne lagī
kahā maut se maiñ ne kab aa.egī
vo apnī hathelī dikhāne lagī
havā ne charāġhoñ se kī mā'zarat
magar jab 'adālat se jaane lagī
ḳhizāñ peḌ se khel kar thak ga.ī
to patte havā meñ uḌāne lagī
ba-mushkil khulā thā zarā āsmāñ
to andar se bauchhār aane lagī
ye laḌkī to dil jiit legī merā
tumhārī tarah muskurāne lagī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں