کوئی کچھ بھی کہتا رہے سب خاموشی سے سن لیتا ہے — شارق کیفی
شاعر
کوئی کچھ بھی کہتا رہے سب خاموشی سے سن لیتا ہے
کوئی کچھ بھی کہتا رہے سب خاموشی سے سن لیتا ہے
اس نے بھی اب گہری گہری سانسیں لینا سیکھ لیا ہے
پیچھے ہٹنا تو چاہا تھا پر ایسے بھی نہیں چاہا تھا
اپنی طرف بڑھنے کے لیے بھی اس کی طرف چلنا پڑتا ہے
جب تک ہو اور جیسے بھی ہو دور رہو اس کی نظروں سے
اتنا پرانا ہے کہ یہ رشتہ پھر سے نیا بھی ہو سکتا ہے
جیسے سب طوفان مری سانسوں سے بندھے ہوں مجھ میں چھپے ہوں
دل میں کسی ڈر کے آتے ہی زور ہوا کا بڑھ جاتا ہے
میں تو فسردہ ہوں ہی لیکن اشک رقیب کی آنکھ میں بھی ہیں
ایک محاذ پہ ہارے ہیں ہم یہ رشتہ کیا کم رشتہ ہے
رنگ میں ہیں سارے گھر والے کھنک رہے ہیں چائے کے پیالے
دنیا جاگ چکی ہے لیکن اپنا سویرا نہیں ہوا ہے
شارق کیفی
koi kuchh bhi kahta rahe sab KHamoshi se sun leta hai
koī kuchh bhī kahtā rahe sab ḳhāmoshī se sun letā hai
us ne bhī ab gahrī gahrī sāñseñ lenā siikh liyā hai
pīchhe haTnā to chāhā thā par aise bhī nahīñ chāhā thā
apnī taraf baḌhne ke liye bhī us kī taraf chalnā paḌtā hai
jab tak ho aur jaise bhī ho duur raho us kī nazroñ se
itnā purānā hai ki ye rishta phir se nayā bhī ho saktā hai
jaise sab tūfān mirī sāñsoñ se bañdhe hoñ mujh meñ chhupe hoñ
dil meñ kisī Dar ke aate hī zor havā kā baḌh jaatā hai
maiñ to fasurda huuñ hī lekin ashk raqīb kī aañkh meñ bhī haiñ
ek mahāz pe haare haiñ ham ye rishta kyā kam rishta hai
rañg meñ haiñ saare ghar vaale khanak rahe haiñ chaa.e ke pyāle
duniyā jaag chukī hai lekin apnā saverā nahīñ huā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں