کچھ بھی منزل سے نہیں لائے ہم — شارق کیفی
شاعر
کچھ بھی منزل سے نہیں لائے ہم
کچھ بھی منزل سے نہیں لائے ہم
اپنے حصے کا بھٹک آئے ہم
جب تعلق پہ چلی بات کبھی
بے تعلق سے نظر آئے ہم
خوشنما یادیں ہی کتنی سی تھیں
ان کو بھی یاد نہ رکھ پائے ہم
یہی ہونا تھا ہمارا انجام
اپنے ہی پاؤں تلے آئے ہم
وہی تو ہو گئے دشمن اک دن
جن کی باتوں میں نہیں آئے ہم
شارق کیفی
kuchh bhi manzil se nahin lae hum
kuchh bhī manzil se nahīñ laa.e ham
apne hisse kā bhaTak aa.e ham
jab ta'alluq pe chalī baat kabhī
be-ta'alluq se nazar aa.e ham
ḳhush-numā yādeñ hī kitnī sī thiiñ
un ko bhī yaad na rakh paa.e ham
yahī honā thā hamārā anjām
apne hī paañv tale aa.e ham
vahī to ho ga.e dushman ik din
jin kī bātoñ meñ nahīñ aa.e ham
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں