کچھ قدم اور مجھے جسم کو ڈھونا ہے یہاں — شارق کیفی
شاعر
کچھ قدم اور مجھے جسم کو ڈھونا ہے یہاں
کچھ قدم اور مجھے جسم کو ڈھونا ہے یہاں
ساتھ لایا ہوں اسی کو جسے کھونا ہے یہاں
بھیڑ چھٹ جائے گی پل میں یہ خبر اڑتے ہی
اب کوئی اور تماشا نہیں ہونا ہے یہاں
یہ بھنور کون سا موتی مجھے دے سکتا ہے
بات یہ ہے کہ مجھے خود کو ڈبونا ہے یہاں
کیا ملا دشت میں آ کر ترے دیوانے کو
گھر کے جیسا ہی اگر جاگنا سونا ہے یہاں
کچھ بھی ہو جائے نہ مانوں گا مگر جسم کی بات
آج مجرم تو کسی اور کو ہونا ہے یہاں
یوں بھی درکار ہے مجھ کو کسی بینائی کا لمس
اب کسی اور کا ہونا مرا ہونا ہے یہاں
اشک پلکوں پہ سجا لوں میں ابھی سے شارقؔ
شب ہے باقی تو ترا ذکر بھی ہونا ہے یہاں
شارق کیفی
kuchh qadam aur mujhe jism ko Dhona hai yahan
kuchh qadam aur mujhe jism ko Dhonā hai yahāñ
saath laayā huuñ usī ko jise khonā hai yahāñ
bhiiḌ chhaT jā.egī pal meñ ye ḳhabar uḌte hī
ab koī aur tamāshā nahīñ honā hai yahāñ
ye bhañvar kaun sā motī mujhe de saktā hai
baat ye hai ki mujhe ḳhud ko Dubonā hai yahāñ
kyā milā dasht meñ aa kar tire dīvāne ko
ghar ke jaisā hī agar jāgnā sonā hai yahāñ
kuchh bhī ho jaa.e na mānūñgā magar jism kī baat
aaj mujrim to kisī aur ko honā hai yahāñ
yuuñ bhī darkār hai mujh ko kisī bīnā.ī kā lams
ab kisī aur kā honā mirā honā hai yahāñ
ashk palkoñ pe sajā luuñ maiñ abhī se 'shāriq'
shab hai baaqī to tirā zikr bhī honā hai yahāñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں