کچھ تو احباب ذرا دل کے بڑے ہیں میرے — شارق کیفی
شاعر
کچھ تو احباب ذرا دل کے بڑے ہیں میرے
کچھ تو احباب ذرا دل کے بڑے ہیں میرے
کچھ منانے کے طریقے بھی نئے ہیں میرے
سچ تو یہ ہے کہ نشانے پہ کوئی تھا ہی نہیں
یوں بھی کچھ تیر نشانے پہ لگے ہیں میرے
کوئی منزل ہو انہیں خرچ نہیں کرتا میں
یہ قدم لوٹ کے آنے کے لئے ہیں میرے
یہ جو آئے ہیں مدد کو مری انجان ہیں سب
ساتھ والے تو کہیں دور کھڑے ہیں میرے
عشق میں جان نہ دینے کا ہے افسوس مگر
کام کچھ ہیں جو شہادت سے بڑے ہیں میرے
شارق کیفی
kuchh to ahbab zara dil ke baDe hain mere
kuchh to ahbāb zarā dil ke baḌe haiñ mere
kuchh manāne ke tarīqe bhī na.e haiñ mere
sach to ye hai ki nishāne pe koī thā hī nahīñ
yuuñ bhī kuchh tiir nishāne pe lage haiñ mere
koī manzil ho inheñ ḳharch nahīñ kartā maiñ
ye qadam lauT ke aane ke liye haiñ mere
ye jo aa.e haiñ madad ko mirī anjān haiñ sab
saath vaale to kahīñ duur khaḌe haiñ mere
'ishq meñ jaan na dene kā hai afsos magar
kaam kuchh haiñ jo shahādat se baḌe haiñ mere
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں