کتیا — شارق کیفی
شاعر
کتیا
خالد جاوید کے نام
مگر بلی کو رونا چاہیئے تھا
مجھے ہوشیار کر کے ہی اس رات سونا چاہیئے تھا
کہ وہ گھر میں ہے
وہ
یعنی مری موت
اسے کچھ بھی نہیں کرنا پڑا
مجھے تو صرف لمحے بھر کی اس شرمندگی نے مار ڈالا
وہ میرے حال پر منہ پھاڑ کر جب ہنس رہی تھی
کہ جب وہ سامنے آئی
مری آنکھوں میں خوابوں کی چمک تھی
ہتھیلی پر دوا کی گولیاں تھیں جن کو بدلا تھا سویرے ڈاکٹر نے
اور میں نہایت مطمئن تھا کل کو لے کر
یہ منظر یوں نہیں کچھ اور ہونا چاہیئے تھا
اور بہت ممکن ہے ہوتا بھی
اگر مجھ کو ذرا آگاہ کر دیتی وہ کتیا
وہ مری بلی
شارق کیفی
kutiya
ḳhālid jāved ke naam
magar billī ko ronā chāhiye thā
mujhe hoshiyār kar ke hī is raat sonā chāhiye thā
ki vo ghar meñ hai
vo
yaanī mirī maut
use kuchh bhī nahīñ karnā paḌā
mujhe to sirf lamhe bhar kī is sharmindagī ne maar Daalā
vo mere haal par muñh phaaḌ kar jab hañs rahī thī
ki jab vo sāmne aa.ī
mirī āñkhoñ meñ ḳhvāboñ kī chamak thī
hathelī par davā kī goliyāñ thiiñ jin ko badlā thā savere doctor ne
aur maiñ nihāyat mutma.in thā kal ko le kar
ye manzar yuuñ nahīñ kuchh aur honā chāhiye thā
aur bahut mumkin hai hotā bhī
agar mujh ko zarā āgāh kar detī vo kutiyā
vo mirī billī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں