کتے کی موت — شارق کیفی
شاعر
کتے کی موت
بھونکنا چاہتا ہوں
اپنے اندر کے کتے پہ میں
زور سے بھونکنا چاہتا ہوں
مگر یہ بھی ممکن نہیں
بھونک پانا تو دور
گلے سے مرے اب تو دو گھونٹ پانی اترنا بھی ممکن نہیں
اس کو کہتے ہیں کتے کی موت
آب زم زم
گلو کوز کی بوتلوں سے چڑھاتے ہوئے
نبض بھی ہنس رہی ہے
شارق کیفی
kutte ki maut
bhoñknā chāhtā huuñ
apne andar ke kutte pe maiñ
zor se bhūñknā chāhtā huuñ
magar ye bhī mumkin nahīñ
bhūñk paanā to duur
gale se mire ab to do ghūñT paanī utarnā bhī mumkin nahīñ
is ko kahte haiñ kutte kī maut
āb-e-zam-zam
glucose kī botaloñ se chaḌhāte hue
nabz bhī hañs rahī hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں