لوگ جو آگے سے آگے بولتے ہیں — شارق کیفی
شاعر
لوگ جو آگے سے آگے بولتے ہیں
لوگ جو آگے سے آگے بولتے ہیں
ہم انہیں لوگوں کے منہ سے بولتے ہیں
دیکھنا اک روز پکڑے جائیں گے ہم
کس قدر کنگن تمھارے بولتے ہیں
لاکھ سچا اور نیا ہو عشق اپنا
جھوٹ ہم پہلے ہی والے بولتے ہیں
جس طرح وہ بولتا ہی جا رہا ہے
یوں تو چپ ہونے سے پہلے بولتے ہیں
واقعی میں یار ہوں جیسے ہمارے
یار تو کچھ لوگ ایسے بولتے ہیں
بے سبب ہم بات کرتے ڈر رہے تھے
آپ تو بچوں کے جیسے بولتے ہیں
دیکھیے کب تک رہے یہ جوش ہم میں
دیکھیے کب تک اکیلے بولتے ہیں
شارق کیفی
log jo aage se aage bolte hain
log jo aage se aage bolte haiñ
ham unhīñ logoñ ke muñh se bolte haiñ
dekhnā ik roz pakḌe jā.eñge ham
kis qadar kangan tumhāre bolte haiñ
laakh sachchā aur nayā ho 'ishq apnā
jhūTh ham pahle hī vaale bolte haiñ
jis tarah vo boltā hī jā rahā hai
yuuñ to chup hone se pahle bolte haiñ
vāqa'ī meñ yaar hoñ jaise hamāre
yaar to kuchh log aise bolte haiñ
be-sabab ham baat karte Dar rahe the
aap to bachchoñ ke jaise bolte haiñ
dekhiye kab tak rahe ye josh ham meñ
dekhiye kab tak akele bolte haiñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں