لوگ سہہ لیتے تھے ہنس کر کبھی بے زاری بھی — شارق کیفی
شاعر
لوگ سہہ لیتے تھے ہنس کر کبھی بے زاری بھی
لوگ سہہ لیتے تھے ہنس کر کبھی بے زاری بھی
اب تو مشکوک ہوئی اپنی ملن ساری بھی
وار کچھ خالی گئے میرے تو پھر آ ہی گئی
اپنے دشمن کو دعا دینے کی ہشیاری بھی
عمر بھر کس نے بھلا غور سے دیکھا تھا مجھے
وقت کم ہو تو سجا دیتی ہے بیماری بھی
کس طرح آئے ہیں اس پہلی ملاقات تلک
اور مکمل ہے جدا ہونے کی تیاری بھی
اوب جاتا ہوں ذہانت کی نمائش سے تو پھر
لطف دیتا ہے یہ لہجہ مجھے بازاری بھی
عمر بڑھتی ہے مگر ہم وہیں ٹھہرے ہوئے ہیں
ٹھوکریں کھائیں تو کچھ آئے سمجھ داری بھی
اب جو کردار مجھے کرنا ہے مشکل ہے بہت
مست ہونے کا دکھاوا بھی ہے سر بھاری بھی
شارق کیفی
log sah lete the hans kar kabhi be-zari bhi
log sah lete the hañs kar kabhī be-zārī bhī
ab to mashkūk huī apnī milan-sārī bhī
vaar kuchh ḳhālī ga.e mere to phir aa hī ga.ī
apne dushman ko duā dene kī hushyārī bhī
umr bhar kis ne bhalā ġhaur se dekhā thā mujhe
vaqt kam ho to sajā detī hai bīmārī bhī
kis tarah aa.e haiñ is pahlī mulāqāt talak
aur mukammal hai judā hone kī tayyārī bhī
uub jaatā huuñ zehānat kī numā.ish se to phir
lutf detā hai ye lahja mujhe bāzārī bhī
umr baḌhtī hai magar ham vahīñ Thahre hue haiñ
Thokareñ khā.īñ to kuchh aa.e samajhdārī bhī
ab jo kirdār mujhe karnā hai mushkil hai bahut
mast hone kā dikhāvā bhī hai sar bhārī bhī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں