مر کے وہ زندوں میں شامل ہو گیا — شارق کیفی
شاعر
مر کے وہ زندوں میں شامل ہو گیا
مر کے وہ زندوں میں شامل ہو گیا
مدتوں سے سارا گھر بے چین تھا
رات دن کی وہ اذیت
شام ہوتی تھی تو ڈر جاتے تھے ہم
ایسی چیخیں جو دلوں کو بھید دیں
ہر گھڑی پیشاب اور ناپاک جسم
گیلا بستر
رات کے پچھلے پہر میں
کپڑے پہنانا اس ایسے جسم کو
جو بیٹھ بھی سکتا نہ ہو
اور اس پر جرم کا احساس
اس رشتہ سے
جو ہم سب کا تھا اس جسم سے
آج جب خالی ہے وہ کونا تو سچ مچ لگ رہا ہے
مر کے وہ زندوں میں شامل ہو گیا
اور اس کی موت سے
ہم سب بھی شاید
شارق کیفی
mar ke wo zindon mein shamil ho gaya
mar ke vo zindoñ meñ shāmil ho gayā
muddatoñ se saarā ghar bechain thā
raat din kī vo aziyyat
shaam hotī thī to Dar jaate the ham
aisī chīḳheñ jo diloñ ko bhed deñ
har ghaḌī peshāb or nāpāk jism
giilā bistar
raat ke pichhle pahar meñ
kapḌe pahnānā us aise jism ko
jo baiTh bhī saktā na ho
aur us par jurm kā ehsās
us rishte se
jo ham sab kā thā us jism se
aaj jab ḳhālī hai vo konā to sach-much lag rahā hai
mar ke vo zindoñ meñ shāmil ho gayā
aur us kī maut se
ham sab bhī shāyad
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں