مشق — شارق کیفی
شاعر
مشق
تو وہ سب مشق تھی
بے پردگی کی
جو مجھے پچھلے کئی ایک سال سے ان اسپتالوں میں کرائی جا رہی تھی
جہاں پر قید تھا میں
کبھی مجھ کو مرے ہی پھیپھڑوں کی ایکس رے میں قید تصویریں دکھا کر
کبھی پیشاب کی تھیلی لگا کر
کہ میں پوری طرح بے شرم ہو جاؤں
اس اک لمحے کے آنے تک
جب اک انجان ہاتھ
غسل کے تختے پہ بالکل بے جھجک
عضو تناسل میں مرے
پیشاب کی بوندیں ٹٹولے
اور مجھے جیسے جہاں جی چاہے چھو لے
شارق کیفی
mashq
to vo sab mashq thī
be-pardagī kī
jo mujhe pichhle ka.ī ek saal se un aspatāloñ meñ karā.ī jā rahī thī
jahāñ par qaid thā maiñ
kabhī mujh ko mire hī phephaḌoñ kī x-ray meñ qaid tasvīreñ dikhā kar
kabhī peshāb kī thailī lagā kar
ki maiñ puurī tarah be-sharm ho jā.ūñ
us ik lamhe ke aane tak
jab ik anjān haath
ġhusl ke taḳhte pe bilkul be-jhijak
uzv-e-tanāsul meñ mire
peshāb kī būñdeñ TaTole
aur mujhe jaise jahāñ jī chāhe chhū le
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں