موت ادھر جب بھی آتی ہے — شارق کیفی
شاعر
موت ادھر جب بھی آتی ہے
موت ادھر جب بھی آتی ہے
اپنا رونا رو جاتی ہے
سب کی میرے حق میں گواہی
میرے خلاف چلی جاتی ہے
سب کے ساتھ نہیں روتا میں
ذمہ داری بڑھ جاتی ہے
مرتی ہیں گونگی آوازیں
اندھی آنکھ بھی دھندلاتی ہے
دھوپ مرے گھر کی وحشت سے
ڈر جاتی ہے مر جاتی ہے
شارق کیفی
maut idhar jab bhi aati hai
maut idhar jab bhī aatī hai
apnā ronā ro jaatī hai
sab kī mere haq meñ gavāhī
mere ḳhilāf chalī jaatī hai
sab ke saath nahīñ rotā maiñ
zimmedārī baḌh jaatī hai
martī haiñ gūñgī āvāzeñ
andhī aañkh bhī dhuñdlātī hai
dhuup mire ghar kī vahshat se
Dar jaatī hai mar jaatī hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں