موت کی امداد — شارق کیفی
شاعر
موت کی امداد
کتنے اچھے ہیں میرے کالونی والے
گھر میں میرے موت نہ ہوتی تو میں تو انجان ہی رہتا
ان چہروں سے
ان لوگوں سے
فجر تلک جو ساتھ رہے میرے اس شب میں
دفنانے کے بعد کے اس پہلے لقمے تک
کتنے گھروں کے چائے کے برتن
پڑے رہے تیجے کے دن تک میرے گھر میں
مجھے نہیں معلوم کفن کس کے ذمے تھا
کون سا بچہ بیری کی ٹہنی لایا تھا
سب اپنے تھے
سب میرے تھے
سب اچھے تھے
اندھا تھا میں آج تلک پہچان نہ پایا
ان اپنوں کو
شارق کیفی
maut ki imdad
kitne achchhe haiñ mere colony vaale
ghar meñ mere maut na hotī to maiñ to anjān hī rahtā
un chehroñ se
un logoñ se
fajr talak jo saath rahe mere us shab meñ
dafnāne ke baa'd ke us pahle luqme tak
kitne gharoñ ke chaa.e ke bartan
paḌe rahe tiije ke din tak mere ghar meñ
mujhe nahīñ mā'lūm kafan kis ke zimme thā
kaun sā bachcha berī kī Tahnī laayā thā
sab apne the
sab mere the
sab achchhe the
andhā thā maiñ aaj talak pahchān na paayā
in apnoñ ko
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں