موت کی روشنی میں سنوارا اسے — شارق کیفی
شاعر
موت کی روشنی میں سنوارا اسے
موت کی روشنی میں سنوارا اسے
ہم نے دلہن بنایا دوبارہ اسے
جانے کن پانیوں پر رہا اس کا ساتھ
جانے کن ساحلوں پر اتارا اسے
اس سے بچھڑا تو بچھڑا ہوں پوری طرح
چھوڑ آیا ہوں سارے کا سارا اسے
تب سے امید باندھے ہوئے ہے یہ دل
جب کیا بھی نہیں تھا اشارہ اسے
کوئی کہتا تھا ساحل تو کوئی بھنور
سب نے اپنی طرح سے پکارا اسے
جتنا ہم رو رہے تھے بچھڑتے ہوئے
رنج اتنا نہیں تھا ہمارا اسے
شارق کیفی
maut ki raushni mein sanwara use
maut kī raushnī meñ sañvārā use
ham ne dul.han banāyā dubāra use
jaane kin pāniyoñ par rahā us kā saath
jaane kin sāhiloñ par utārā use
us se bichhḌā to bichhḌā huuñ puurī tarah
chhoḌ aayā huuñ saare kā saarā use
tab se ummīd bāñdhe hue hai ye dil
jab kiyā bhī nahīñ thā ishāra use
koī kahtā thā sāhil to koī bhañvar
sab ne apnī tarah se pukārā use
jitnā ham ro rahe the bichhaḌte hue
ranj utnā nahīñ thā hamārā use
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں