ملے تو کچھ بات بھی کرو گے — شارق کیفی
شاعر
ملے تو کچھ بات بھی کرو گے
ملے تو کچھ بات بھی کرو گے
کہ بس اسے دیکھتے رہو گے
یہ لفظ تو منتخب کئے تھے
ہماری ہر بات کب سنو گے
وہ اپنے رستے میں خود کھڑا ہے
کہاں تلک اس کا ساتھ دوگے
یہ وہم بھی چھوڑ دو کہ اب تم
کسی کے چھونے سے جی اٹھوگے
جو بات اب کھل چکی ہے اس کو
دلوں میں رکھ کے بھی کیا کرو گے
چلو اسی زندگی کو جی لیں
کہانی بن کے بھی کیا کرو گے
شارق کیفی
mile to kuchh baat bhi karoge
mile to kuchh baat bhī karoge
ki bas use dekhte rahoge
ye lafz to muntaḳhab kiye the
hamārī har baat kab sunoge
vo apne raste meñ ḳhud khaḌā hai
kahāñ talak us kā saath doge
ye vahm bhī chhoḌ do ki ab tum
kisī ke chhūne se jī uThoge
jo baat ab khul chukī hai us ko
diloñ meñ rakh ke bhī kyā karoge
chalo isī zindagī ko jī leñ
kahānī ban ke bhī kyā karoge
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں