محبت کی انتہا پر — شارق کیفی
شاعر
محبت کی انتہا پر
پاپا
تم مر جاؤ نہ پاپا
میں تم سے نفرت کرتا ہوں
کش تم لیتے ہو کھانسی مجھ کو آتی ہے
دل کے دورے تمہیں نہیں
مجھ کو پڑتے ہیں
آخر کب تک
رات میں اٹھ کر
لائٹ جلا کر
دیکھوں گا میں سانس تمہاری
کب تک میری ٹیچر
مجھ کو ٹوکے گی
گم صم رہنے پر
کیسے بتلاؤں
میں کتنا ڈر جاتا ہوں
جب میری رکشا مڑتی ہے
گھر والے رستے پر
آج بھی کم بے چین نہیں میں
موڑ وہ بس آنے والا ہے
چین پڑ گیا
آج بھی میرے گھر کے آگے بھیڑ نہیں ہے
یعنی
آج بھی شاید سب کچھ ٹھیک ہے گھر میں
یعنی تم زندہ ہو پاپا
شارق کیفی
mohabbat ki intiha par
paapā
tum mar jaao na paapā
maiñ tum se nafrat kartā huuñ
kash tum lete ho khāñsī mujh ko aatī hai
dil ke daure tumheñ nahīñ
mujh ko paḌte haiñ
āḳhir kab tak
raat meñ uTh kar
light jalā kar
dekhūñgā maiñ saañs tumhārī
kab tak merī teacher
mujh ko Tokegī
gum-sum rahne par
kaise batlā.ūñ
maiñ kitnā Dar jaatā huuñ
jab merī rickshaw muḌtī hai
ghar vaale raste par
aaj bhī kam bechain nahīñ maiñ
moḌ vo bas aane vaalā hai
chain paḌ gayā
aaj bhī mere ghar ke aage bhiiḌ nahīñ hai
yaanī
aaj bhī shāyad sab kuchh Thiik hai ghar meñ
yaanī tum zinda ho paapā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں