مجھ میں ہے جو درویش وہ مر جائے تو اچھا — شارق کیفی
شاعر
مجھ میں ہے جو درویش وہ مر جائے تو اچھا
مجھ میں ہے جو درویش وہ مر جائے تو اچھا
دنیا مجھے دنیا ہی نظر آئے تو اچھا
دوبارہ کہیں تازہ نہ ہو جائیں مرے زخم
سوتے میں ترا شہر گزر جائے تو اچھا
بہلاؤں گا کب تک میں اسے جھوٹی چمک سے
سونے کا یہ پانی بھی اتر جائے تو اچھا
ہوتے ہیں بڑی عمر کے اپنے بہت آزار
یہ زخم جوانی میں ہی بھر جائے تو اچھا
دنیا کے سوالات پہ خاموش رہیں ہم
دونوں ہی کے گھر ایک خبر جائے تو اچھا
وحشی کو وہاں لا کے جنوں چھوڑ گیا ہے
گھر جائے تو اچھا نہیں گھر جائے تو اچھا
شارق کیفی
mujh mein hai jo darwesh wo mar jae to achchha
mujh meñ hai jo darvesh vo mar jaa.e to achchhā
duniyā mujhe duniyā hī nazar aa.e to achchhā
dobāra kahīñ taaza na ho jaa.eñ mire zaḳhm
sote meñ tirā shahr guzar jaa.e to achchhā
bahlā.ūñgā kab tak maiñ use jhūTī chamak se
sone kā ye paanī bhī utar jaa.e to achchhā
hote haiñ baḌī 'umr ke apne bahut āzār
ye zaḳhm javānī meñ hī bhar jaa.e to achchhā
duniyā ke savālāt pe ḳhāmosh raheñ ham
donoñ hī ke ghar ek ḳhabar jaa.e to achchhā
vahshī ko vahāñ lā ke junūñ chhoḌ gayā hai
ghar jaa.e to achchhā nahīñ ghar jaa.e to achchhā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں