ممکن ہی نہ تھی خود سے شناسائی یہاں تک — شارق کیفی
شاعر
ممکن ہی نہ تھی خود سے شناسائی یہاں تک
ممکن ہی نہ تھی خود سے شناسائی یہاں تک
لے آیا مجھے میرا تماشائی یہاں تک
رستہ ہو اگر یاد تو گھر لوٹ بھی جاؤں
لائی تھی کسی اور کی بینائی یہاں تک
شاید تہہ دریا میں چھپا تھا کہیں صحرا
میری ہی نظر دیکھ نہیں پائی یہاں تک
محفل میں بھی تنہائی نے پیچھا نہیں چھوڑا
گھر میں نہ ملا میں تو چلی آئی یہاں تک
صحرا ہے تو صحرا کی طرح پیش بھی آئے
آیا ہے اسی شوق میں سودائی یہاں تک
اک کھیل تھا اور کھیل میں سوچا بھی نہیں تھا
جڑ جائے گا مجھ سے وہ تماشائی یہاں تک
یہ عمر ہے جو اس کی خطاوار ہے شارقؔ
رہتی ہی نہیں باتوں میں سچائی یہاں تک
شارق کیفی
mumkin hi na thi KHud se shanasai yahan tak
mumkin hī na thī ḳhud se shanāsā.ī yahāñ tak
le aayā mujhe merā tamāshā.ī yahāñ tak
rasta ho agar yaad to ghar lauT bhī jā.ūñ
laa.ī thī kisī aur kī bīnā.ī yahāñ tak
shāyad tah-e-dariyā meñ chhupā thā kahīñ sahrā
merī hī nazar dekh nahīñ paa.ī yahāñ tak
mahfil meñ bhī tanhā.ī ne pīchhā nahīñ chhoḌā
ghar meñ na milā maiñ to chalī aa.ī yahāñ tak
sahrā hai to sahrā kī tarah pesh bhī aa.e
aayā hai isī shauq meñ saudā.ī yahāñ tak
ik khel thā aur khel meñ sochā bhī nahīñ thā
juḌ jā.egā mujh se vo tamāshā.ī yahāñ tak
ye umr hai jo us kī ḳhatā-vār hai 'shāriq'
rahtī hī nahīñ bātoñ meñ sachchā.ī yahāñ tak
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں