نام تمہارا بھول گئے ہم — شارق کیفی
شاعر
نام تمہارا بھول گئے ہم
نام تمہارا بھول گئے ہم
دیکھو کیا کیا بھول گئے ہم
مڑ کر ایسے دیکھا اس نے
پیچھا کرنا بھول گئے ہم
آہ تخیل کی وہ اڑانیں
پیروں چلنا بھول گئے ہم
کس مشکل سے بھیڑ جٹائی
اور تماشہ بھول گئے ہم
یوں گزرے ہیں تیری گلی سے
جیسے رستہ بھول گئے ہم
ایسے پڑے اک موج کے پیچھے
اپنا دریا بھول گئے ہم
بات نکل آئی اک ایسی
باتیں کرنا بھول گئے ہم
مشکل سے تو گھر پہچانا
گھر میں کمرہ بھول گئے ہم
شارق کیفی
nam tumhaara bhul gae hum
naam tumhārā bhuul ga.e ham
dekho kyā-kyā bhuul ga.e ham
muḌ kar aise dekhā us ne
pīchhā karnā bhuul ga.e ham
aah taḳhayyul kī vo uḌāneñ
pairoñ chalnā bhuul ga.e ham
kis mushkil se bhiiḌ juTā.ī
aur tamāsha bhuul ga.e ham
yuuñ guzre haiñ terī galī se
jaise rasta bhuul ga.e ham
aise paḌe ik mauj ke pīchhe
apnā dariyā bhuul ga.e ham
baat nikal aa.ī ik aisī
bāteñ karnā bhuul ga.e ham
mushkil se to ghar pahchānā
ghar meñ kamra bhuul ga.e ham
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں