نظر بھر دیکھ لوں بس — شارق کیفی
شاعر
نظر بھر دیکھ لوں بس
پتہ ہے
تمہارے ساتھ
میرے ساتھ
کتنے اتفاق اک ساتھ ہوئے ہوں گے
تو یہ صورت بنی ہے
کہ ہم اک ساتھ سانسیں لے رہے ہیں
کہ ہم اک ساتھ ہیں اس وقت دنیا میں
یہی سب سے بڑا رشتہ ہے شاید مجھ میں تم میں
میں ایسا جانتا ہوں
کہ اس رشتے سے ہر انساں جو دنیا میں ہے رشتے دار ہے میرا
مگر ان رشتے داروں کو نہیں معلوم میرے
میں کیا لگتا ہوں ان کا
سو میں بھی
تعارف اس حوالے سے کبھی ان کو نہیں دیتا
مری خواہش بس اتنی ہے کہ میں جانے سے پہلے اس جہاں سے
زیادہ سے زیادہ اپنے لوگوں کو نظر بھر دیکھ لوں بس
تو چھو کر دیکھ لوں بس
سمجھ میں آ گیا اب
سحر سے شام تک میں کس لیے سڑکوں پہ پھرتا ہوں
میں کھڑکی سے لگی اک سیٹ کی خاطر سفر میں
کسی بچے کی صورت کیوں جھگڑتا ہوں
شارق کیفی
nazar bhar dekh lun bas
pata hai
tumhāre saath
mere saath
kitne ittifāq ik saath hue hoñge
to ye sūrat banī hai
ki ham ik saath sāñseñ le rahe haiñ
ki ham ik saath haiñ is vaqt duniyā meñ
yahī sab se baḌā rishta hai shāyad mujh meñ tum meñ
maiñ aisā jāntā huuñ
ki is rishte se har insāñ jo duniyā meñ hai rishte-dār hai merā
magar in rishte-dāroñ ko nahīñ ma.alūm mere
maiñ kyā lagtā huuñ in kā
so maiñ bhī
ta.āruf is havāle se kabhī un ko nahīñ detā
mirī ḳhvāhish bas itnī hai ki maiñ jaane se pahle is jahāñ se
ziyāda se ziyāda apne logoñ ko nazar bhar dekh luuñ bas
to chhū kar dekh luuñ bas
samajh meñ aa gayā ab
sahar se shaam tak maiñ kis liye saḌkoñ pe phirtā huuñ
maiñ khiḌkī se lagī ik seat kī ḳhātir safar meñ
kisī bachche kī sūrat kyuuñ jhagaḌtā huuñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں