قبرستان کے نل پر — شارق کیفی
شاعر
قبرستان کے نل پر
بلا سبب بڑبڑا رہے ہو
جو پھنس گئے ہو
تو کم سے کم اب ثواب ہی ڈھنگ سے کما لو
کہا تھا میں نے
کہ نل چلانے میں کوئی ساجھا نہیں کرے گا
مگر کسی کی سنی ہے تم نے
ارے وہ حالات اور تھے
جس میں ہر کوئی
ہر قدم پہ کاندھا بدل رہا تھا
پر اب تو تدفین ہو چکی
بھیڑ مطمئن ہے
کہ آج بھر کا ثواب اس نے کما لیا ہے
تو کون آگے بڑھے گا بولو
سو کون کتنا برا ہے یہ بات بھول کر
صرف نل چلاؤ
چلائے جاؤ
کہ جب تلک بھیڑ میں ہر اک خاص و عام کے
پاؤں دھل نہ جائیں
شارق کیفی
qabristan ke nal par
bilā sabab baḌbaḌā rahe ho
jo phañs ga.e ho
to kam-se-kam ab savāb hī Dhang se kamā lo
kahā thā maiñ ne
ki nal chalāne meñ koī sājhā nahīñ karegā
magar kisī kī sunī hai tum ne
are vo hālāt aur the
jis meñ har koī
har qadam pe kāñdhā badal rahā thā
par ab to tadfīn ho chukī
bhiiḌ mutma.in hai
ki aaj bhar kā savāb us ne kamā liyā hai
to kaun aage baḌhegā bolo
so kaun kitnā burā hai ye baat bhuul kar
sirf nal chalāo
chalā.e jaao
ki jab talak bhiiḌ meñ har ik ḳhās-o-'ām ke
paañv dhul na jaa.eñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں