رات بے پردہ سی لگتی ہے مجھے — شارق کیفی
شاعر
رات بے پردہ سی لگتی ہے مجھے
رات بے پردہ سی لگتی ہے مجھے
خوف نے ایسی نظر دی ہے مجھے
آہ اس معصوم کو کیسے بتاؤں
کیوں اسے کھونے کی جلدی ہے مجھے
جوش میں ہیں اس قدر تیماردار
ٹھیک ہوتے شرم آتی ہے مجھے
اک لطیفہ جو سمجھ میں بھی نہ آئے
اس پہ ہنسنا کیوں ضروری ہے مجھے
منتشر ہونے لگے سارے خیال
نیند بس آنے ہی والی ہے مجھے
اب جنوں کم ہونے والا ہے مرا
خیر اتنی تو تسلی ہے مجھے
لاکھ مدھم ہو تری چاہت کی لو
روشنی اتنی ہی کافی ہے مجھے
گرد ہے بارود کی سر میں تو کیا
موت اک افواہ لگتی ہے مجھے
شارق کیفی
raat be-parda si lagti hai mujhe
raat be-parda sī lagtī hai mujhe
ḳhauf ne aisī nazar dī hai mujhe
aah is ma.asūm ko kaise batā.ūñ
kyuuñ use khone kī jaldī hai mujhe
josh meñ haiñ is qadar tīmārdār
Thiik hote sharm aatī hai mujhe
ik latīfa jo samajh meñ bhī na aa.e
us pe hañsnā kyuuñ zarūrī hai mujhe
muntashir hone lage saare ḳhayāl
niiñd bas aane hī vaalī hai mujhe
ab junūñ kam hone vaalā hai mirā
ḳhair itnī to tasallī hai mujhe
laakh maddham ho tirī chāhat kī lau
raushnī utnī hī kaafī hai mujhe
gard hai bārūd kī sar meñ to kyā
maut ik afvāh lagtī hai mujhe
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں