رونا دھونا صرف دکھاوا ہوتا ہے — شارق کیفی
شاعر
رونا دھونا صرف دکھاوا ہوتا ہے
رونا دھونا صرف دکھاوا ہوتا ہے
کون مرے جانے سے تنہا ہوتا ہے
اس کی ٹیس نہیں جاتی ہے ساری عمر
پہلا دھوکا پہلا دھوکا ہوتا ہے
نام بھی اس کا یاد نہیں رکھ پاتے ہم
گلیوں گلیوں جسے پکارا ہوتا ہے
ساری باتیں یاد ہمیں آ جاتی ہیں
لیکن جب وہ اٹھنے والا ہوتا ہے
مر جاتا ہے طنز بھرے اک جملے سے
کوئی کوئی تو اتنا زندہ ہوتا ہے
آنسو بھی ہم خرچ وہیں پر کرتے ہیں
جہاں کوئی دل رکھنے والا ہوتا ہے
بے مطلب کی بھیڑ لگانے والوں سے
جانے والا اور اکیلا ہوتا ہے
گھر میں اسے محسوس کرو یا صحرا میں
سناٹا تو بس سناٹا ہوتا ہے
اچھے چہرے اچھے چہرے ہوتے ہیں
ان میں بھی اک اپنا والا ہوتا ہے
شارق کیفی
rona-dhona sirf dikhawa hota hai
ronā-dhonā sirf dikhāvā hotā hai
kaun mire jaane se tanhā hotā hai
us kī Tiis nahīñ jaatī hai saarī 'umr
pahlā dhokā pahlā dhokā hotā hai
naam bhī us kā yaad nahīñ rakh paate ham
galiyoñ galiyoñ jise pukārā hotā hai
saarī bāteñ yaad hameñ aa jaatī haiñ
lekin jab vo uThne vaalā hotā hai
mar jaatā hai tanz bhare ik jumle se
koī koī to itnā zinda hotā hai
aañsū bhī ham ḳharch vahīñ par karte haiñ
jahāñ koī dil rakhne vaalā hotā hai
be-matlab kī bhiiḌ lagāne vāloñ se
jaane vaalā aur akelā hotā hai
ghar meñ ise mahsūs karo yā sahrā meñ
sannāTā to bas sannāTā hotā hai
achchhe chehre achchhe chehre hote haiñ
un meñ bhī ik apnā vaalā hotā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں