سب آسان ہوا جاتا ہے — شارق کیفی
شاعر
سب آسان ہوا جاتا ہے
سب آسان ہوا جاتا ہے
مشکل وقت تو اب آیا ہے
جس دن سے وہ جدا ہوا ہے
میں نے جسم نہیں پہنا ہے
کوئی دراڑ نہیں ہے شب میں
پھر یہ اجالا سا کیسا ہے
برسوں کا بچھڑا ہوا سایہ
اب آہٹ لے کر لوٹا ہے
اپنے آپ سے ڈرنے والا
کس پہ بھروسہ کر سکتا ہے
ایک محاذ پہ ہارے ہیں ہم
یہ رشتہ کیا کم رشتہ ہے
قرب کا لمحہ تو یاروں کو
چپ کرنے میں گزر جاتا ہے
سورج سے شرطیں رکھتا ہوں
گھر میں چراغ نہیں جلتا ہے
دکھ کی بات تو یہ ہے شارقؔ
اس کا وہم بھی سچ نکلا ہے
شارق کیفی
sab aasan hua jata hai
sab āsān huā jaatā hai
mushkil vaqt to ab aayā hai
jis din se vo judā huā hai
maiñ ne jism nahīñ pahnā hai
koī darāḌ nahīñ hai shab meñ
phir ye ujālā sā kaisā hai
barsoñ kā bachhḌā huā saaya
ab aahaT le kar lauTā hai
apne aap se Darne vaalā
kis pe bharosa kar saktā hai
ek mahāz pe haare haiñ ham
ye rishta kyā kam rishta hai
qurb kā lamha to yāroñ ko
chup karne meñ guzar jaatā hai
sūraj se sharteñ rakhtā huuñ
ghar meñ charāġh nahīñ jaltā hai
dukh kī baat to ye hai 'shāriq'
us kā vahm bhī sach niklā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں