سفر ہی کافی ہے عمریں گزارنے کے لئے — شارق کیفی
شاعر
سفر ہی کافی ہے عمریں گزارنے کے لئے
سفر ہی کافی ہے عمریں گزارنے کے لئے
وہ کیوں بضد ہے مجھے پار اتارنے کے لئے
وہ جرم اتنا جو سنگین اس کو لگتا ہے
کیا تھا میں نے کوئی پل گزارنے کے لئے
وہ ساری صلح پسندی وہ خاکساری سب
بہت ضروری تھا عزت سے ہارنے کے لئے
جھگڑ رہے تھے وہاں سب نئی رتوں کے امیں
مرا پرانا کوئی روپ دھارنے کے لئے
تمام عمر رہا ہوں شکستہ کشتی پر
میں ناخداؤں کے احساں اتارنے کے لئے
اسی پہ وسعتیں کھلتی ہیں دشت و صحرا کی
جسے کوئی بھی نہ آئے پکارنے کے لئے
اک اور بازی مجھے اس کے ساتھ کھیلنا ہے
اسی کی طرح سلیقہ سے ہارنے کے لئے
شارق کیفی
safar hi kafi hai umren guzarne ke liye
safar hī kaafī hai 'umreñ guzārne ke liye
vo kyoñ ba-zid hai mujhe paar utārne ke liye
vo jurm itnā jo sangīn us ko lagtā hai
kiyā thā maiñ ne koī pal guzārne ke liye
vo saarī sulh-pasandī vo ḳhāksārī sab
bahut zarūrī thā 'izzat se hārne ke liye
jhagaḌ rahe the vahāñ sab na.ī rutoñ ke amiiñ
mirā purānā koī ruup dhārne ke liye
tamām 'umr rahā huuñ shikasta kashtī par
maiñ nā-ḳhudāoñ ke ehsāñ utārne ke liye
usī pe vus'ateñ khultī haiñ dasht-o-sahrā kī
jise koī bhī na aa.e pukārne ke liye
ik aur baazī mujhe us ke saath khelnā hai
usī kī tarh salīqe se hārne ke liye
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں