سفر سے مجھ کو بد دل کر رہا تھا — شارق کیفی
شاعر
سفر سے مجھ کو بد دل کر رہا تھا
سفر سے مجھ کو بد دل کر رہا تھا
بھنور کا کام ساحل کر رہا تھا
وہ سمجھا ہی کہاں اس مرتبے کو
میں اس کو دکھ میں شامل کر رہا تھا
ہماری فتح تھی مقتول ہونا
یہی کوشش تو قاتل کر رہا تھا
کوئی تو تھا مرے ہی قافلے میں
جو میرا کام مشکل کر رہا تھا
وہ ٹھکرا کر گیا اس دور میں جب
میں جو چاہوں وہ حاصل کر رہا تھا
تری باتوں میں یوں بھی آ گیا میں
بھٹکنے کا بہت دل کر رہا تھا
کوئی مجھ سا ہی دیوانہ تھا شاید
جو ویرانے میں محفل کر رہا تھا
یہ دل خود غرض دل غم خوار تیرا
خوشی غم میں بھی حاصل کر رہا تھا
سمجھتا تھا میں سازش آئنے کی
مجھے میرے مقابل کر رہا تھا
شارق کیفی
safar se mujhko bad-dil kar raha tha
safar se mujh ko bad-dil kar rahā thā
bhañvar kā kaam sāhil kar rahā thā
vo samjhā hī kahāñ us martabe ko
maiñ us ko dukh meñ shāmil kar rahā thā
hamārī fat.h thī maqtūl honā
yahī koshish to qātil kar rahā thā
koī to thā mire hī qāfile meñ
jo merā kaam mushkil kar rahā thā
vo Thukrā kar gayā is daur meñ jab
maiñ jo chāhūñ vo hāsil kar rahā thā
tirī bātoñ meñ yuuñ bhī aa gayā maiñ
bhaTakne kā bahut dil kar rahā thā
koī mujh sā hī dīvāna thā shāyad
jo vīrāne meñ mahfil kar rahā thā
ye dil ḳhud-ġharz dil ġham-ḳhvār terā
ḳhushī ġham meñ bhī hāsil kar rahā thā
samajhtā thā maiñ sāzish aa.ine kī
mujhe mere muqābil kar rahā thā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں