سلیقہ شرط ہے بس — شارق کیفی
شاعر
سلیقہ شرط ہے بس
سلیقہ شرط ہے بس
اگر اتنا ہنر بھی سیکھ لیں ہم
کہ اک خرگوش کو کیسے اٹھایا جائے کانوں سے پکڑ کر
کہ اک بلی کے بچے کو اگر ہم چھیڑنا چاہیں
تو گردن پر وہاں چٹکی بھریں
جہاں سے ماں اسے منہ میں دبا کر گھر بدلتی ہے
تو پھر سب کو یہاں تفریح کے ساماں مہیا ہیں
تو پھر چھوٹا بڑا کوئی
شکایت کر نہیں سکتا
کھلونوں کی
شارق کیفی
saliqa shart hai bas
salīqa shart hai bas
agar itnā hunar bhī siikh leñ ham
ki ik ḳhargosh ko kaise uThāyā jaa.e kānoñ se pakaḌ kar
ki ik billī ke bachche ko agar ham chheḌnā chāheñ
to gardan par vahāñ chuTkī bhareñ
jahāñ se maañ use muñh meñ dabā kar ghar badaltī hai
to phir sab ko yahāñ tafrīh ke sāmāñ muhayyā haiñ
to phir chhoTā baḌā koī
shikāyat kar nahīñ saktā
khilaunoñ kī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں