سمجھ لو خوب یہ فتویٰ ابھی جاری نہیں ہے — شارق کیفی
شاعر
سمجھ لو خوب یہ فتویٰ ابھی جاری نہیں ہے
سمجھ لو خوب یہ فتویٰ ابھی جاری نہیں ہے
جدا ہونا جدا ہونے کی تیاری نہیں ہے
بری ہے اس لئے بھی شہر کی صحت ہمارے
کسی کو عشق جیسی کوئی بیماری نہیں ہے
کہا تھا بے سبب دیکھو گے اپنوں کے جنازے
جئے جانے کی ضد کرنا سمجھ داری نہیں ہے
یہاں ہم چل دئے ہیں بات کہنے جان دینے
وہاں پر مسکرانے کی بھی تیاری نہیں ہے
وہی نشہ کیا ہے عشق کا نشہ دوبارہ
مگر اس بار اتنا میرا سر بھاری نہیں ہے
شارق کیفی
samajh lo KHub ye fatwa abhi jari nahin hai
samajh lo ḳhuub ye fatvā abhī jaarī nahīñ hai
judā honā judā hone kī tayyārī nahīñ hai
burī hai is liye bhī shahr kī sehhat hamāre
kisī ko 'ishq jaisī koī bīmārī nahīñ hai
kahā thā be-sabab dekhoge apnoñ ke janāze
ji.e jaane kī zid karnā samajhdārī nahīñ hai
yahāñ ham chal diye haiñ baat kahne jaan dene
vahāñ par muskurāne kī bhī tayyārī nahīñ hai
vahī nashsha kiyā hai 'ishq kā nashsha dubāra
magar is baar utnā merā sar bhārī nahīñ hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں