سامنے تیرے ہوں گھبرایا ہوا — شارق کیفی
شاعر
سامنے تیرے ہوں گھبرایا ہوا
سامنے تیرے ہوں گھبرایا ہوا
بے زباں ہونے پہ شرمایا ہوا
لاکھ اب منظر ہو دھندلایا ہوا
یاد ہے مجھ کو نظر آیا ہوا
یہ بھی کہنا تھا بتا کر راستہ
میں وہی ہوں تیرا بھٹکایا ہوا
میں کہ اک آسیب اک بے چپن روح
بے وضو ہاتھوں کا دفنایا ہوا
آ گیا پھر مشورہ دینے مجھے
خیمۂ دشمن کا سمجھایا ہوا
پھر وہ منزل لطف کیا دیتی مجھے
میں وہاں پہنچا تھا جھنجھلایا ہوا
تیری گلیوں سے گزر آساں نہیں
آج بھی چلتا ہوں گھبرایا ہوا
کچھ نیا کرنے کا پھر مطلب ہی کیا
جب تماشائی ہے اکتایا ہوا
کم سے کم اس کا تو رکھتا وہ لحاظ
میں ہوں اک آواز پر آیا ہوا
مجھ کو آسانی سے پا سکتا ہے کون
میں ہوں تیرے در کا ٹھکرایا ہوا
شارق کیفی
samne tere hun ghabraya hua
sāmne tere huuñ ghabrāyā huā
be-zabāñ hone pe sharmāyā huā
laakh ab manzar ho dhuñdlāyā huā
yaad hai mujh ko nazar aayā huā
ye bhī kahnā thā batā kar rāsta
maiñ vahī huuñ terā bhaTkāyā huā
maiñ ki ik aaseb ik be-chain ruuh
be-vuzū hāthoñ kā dafnāyā huā
aa gayā phir mashvara dene mujhe
ḳhema-e-dushman kā samjhāyā huā
phir vo manzil lutf kyā detī mujhe
maiñ vahāñ pahuñchā thā jhunjhlāyā huā
terī galiyoñ se guzar āsāñ nahīñ
aaj bhī chaltā huuñ ghabrāyā huā
kuchh nayā karne kā phir matlab hī kyā
jab tamāshā.ī hai uktāyā huā
kam se kam is kā to rakhtā vo lihāz
maiñ huuñ ik āvāz par aayā huā
mujh ko āsānī se pā saktā hai kaun
maiñ huuñ tere dar kā Thukrāyā huā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں