سارا گھر ایک لے میں روتا ہے — شارق کیفی
شاعر
سارا گھر ایک لے میں روتا ہے
سارا گھر ایک لے میں روتا ہے
لو تماشے کا وقت ہوتا ہے
لوگ روتے ہیں پیٹ کو اپنے
جانے والے کو کون روتا ہے
مل ہی جائیں گے چار چھ کاندھے
کون اپنا جنازہ ڈھوتا ہے
قبر میں لیٹ کر ہوا احساس
کتنا مٹی کا بوجھ ہوتا ہے
سب درود و سلام و حمد کے بیچ
اک شرابی بھی مجھ کو روتا ہے
شارق کیفی
sara ghar ek lai mein rota hai
saarā ghar ek lai meñ rotā hai
lo tamāshe kā vaqt hotā hai
log rote haiñ peT ko apne
jaane vaale ko kaun rotā hai
mil hī jā.eñge chaar chhe kāñdhe
kaun apnā janāza Dhotā hai
qabr meñ let kar huā ehsās
kitnā miTTī kā bojh hotā hai
sab darūd-o-salām-o-hamd ke biich
ik sharābī bhī mujh ko rotā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں