شکل بدلی اور اندر آ گیا — شارق کیفی
شاعر
شکل بدلی اور اندر آ گیا
شکل بدلی اور اندر آ گیا
دکھ نئے کپڑے بدل کر آ گیا
اس نے دیکھا اور آنکھیں پھیر لیں
بوجھ سب میری نظر پر آ گیا
راستے بھر اوب میں ڈوبے رہے
جب سفر میں دل لگا گھر آ گیا
اس سمندر کے تھے اتنے تذکرے
میں نہ جانے کیا سمجھ کر آ گیا
میں تو اپنے آپ کو حاصل نہیں
آپ کو کیسے میسر آ گیا
شارق کیفی
shakl badli aur andar aa gaya
shakl badlī aur andar aa gayā
dukh na.e kapḌe badal kar aa gayā
us ne dekhā aur āñḳheñ pher liiñ
bojh sab merī nazar par aa gayā
rāste-bhar uub meñ Duube rahe
jab safar meñ dil lagā ghar aa gayā
is samundar ke the itne tazkire
maiñ na jaane kyā samajh kar aa gayā
maiñ to apne aap ko hāsil nahīñ
aap ko kaise mayassar aa gayā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں