شاید مجھ سے جان چھڑایا کرتا تھا — شارق کیفی
شاعر
شاید مجھ سے جان چھڑایا کرتا تھا
شاید مجھ سے جان چھڑایا کرتا تھا
گھر خود کو ویران بتایا کرتا تھا
رشتے میں اک موڑ نہیں ہے دور تلک
پہلے اک دوراہا آیا کرتا تھا
آسانی سے ہم بھی سبز نہ ہوتے تھے
وہ بھی اپنی دھوپ بچایا کرتا تھا
چاند ہمیں لے جاتا تھا مدہوشی تک
صبح کا تارہ ہوش میں لایا کرتا تھا
خالی ہاتھ اترتا تھا دوکانوں سے
آدھے پونے دام لگایا کرتا تھا
منہ پر اس سے کرتا تھا اقرار کی ضد
واپس آ کر شکر منایا کرتا تھا
شارق کیفی
shayad mujhse jaan chhuDaya karta tha
shāyad mujh se jaan chhuḌāyā kartā thā
ghar ḳhud ko vīrān batāyā kartā thā
rishte meñ ik moḌ nahīñ hai duur talak
pahle ik dorāhā aayā kartā thā
āsānī se ham bhī sabz na hote the
vo bhī apnī dhuup bachāyā kartā thā
chāñd hameñ le jaatā thā madhoshī tak
sub.h kā taara hosh meñ laayā kartā thā
ḳhālī haath utartā thā dūkānoñ se
ādhe-paune daam lagāyā kartā thā
muñh par us se kartā thā iqrār kī zid
vāpas aa kar shukr manāyā kartā thā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں