سیانے تھے مگر اتنے نہیں ہم — شارق کیفی
شاعر
سیانے تھے مگر اتنے نہیں ہم
سیانے تھے مگر اتنے نہیں ہم
خموشی کی زباں سمجھے نہیں ہم
انا کی بات اب سننا پڑے گی
وہ کیا سوچے گا جو روٹھے نہیں ہم
ادھوری لگ رہی ہے جیت اس کو
اسے ہارے ہوئے لگتے نہیں ہم
ہمیں تو روک لو اٹھنے سے پہلے
پلٹ کر دیکھنے والے نہیں ہم
بچھڑنے کا ترے صدمہ تو ہوگا
مگر اس خوف کو جیتے نہیں ہم
ترے رہتے تو کیا ہوتے کسی کے
تجھے کھو کر بھی دنیا کے نہیں ہم
یہ منزل خواب ہی رہتی ہمیشہ
اگر گھر لوٹ کر آتے نہیں ہم
کبھی سوچے تو اس پہلو سے کوئی
کسی کی بات کیوں سنتے نہیں ہم
ابھی تک مشوروں پر جی رہے ہیں
کسی صورت بڑے ہوتے نہیں ہم
شارق کیفی
siyane the magar itne nahin hum
siyāne the magar itne nahīñ ham
ḳhamoshī kī zabāñ samjhe nahīñ ham
anā kī baat ab sunñā paḌegī
vo kyā sochegā jo rūThe nahīñ ham
adhūrī lag rahī hai jiit us ko
use haare hue lagte nahīñ ham
hameñ to rok lo uThne se pahle
palaT kar dekhne vaale nahīñ ham
bichhaḌne kā tire sadma to hogā
magar is ḳhauf ko jiite nahīñ ham
tire rahte to kyā hote kisī ke
tujhe kho kar bhī duniyā ke nahīñ ham
ye manzil ḳhvāb hī rahtī hamesha
agar ghar lauT kar aate nahīñ ham
kabhī soche to is pahlū se koī
kisī kī baat kyuuñ sunte nahīñ ham
abhī tak mashvaroñ par jī rahe haiñ
kisī sūrat baḌe hote nahīñ ham
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں