صبح کریں گے ہشیاری سے — شارق کیفی
شاعر
صبح کریں گے ہشیاری سے
صبح کریں گے ہشیاری سے
روئیں گے سب باری باری سے
اور بھی اس کو پا سکتے تھے
تھوڑی اور اداکاری سے
پھر اک گل نے کیا اشارہ
ابھی اٹھے تھے بیماری سے
ہنستا ہوں بے بات بھی لیکن
روتا ہوں ذمہ داری سے
کر سکتے ہو کوئی حماقت
لیکن پوری تیاری سے
دونوں کو مل گئے بہانے
اپنی اپنی لاچاری سے
شارق کیفی
subh karenge hushyari se
sub.h kareñge hushyārī se
ro.eñge sab baarī baarī se
aur bhī us ko pā sakte the
thoḌī aur adākārī se
phir ik gul ne kiyā ishāra
abhī uThe the bīmārī se
hañstā huuñ be-bāt bhī lekin
rotā huuñ zimmedārī se
kar sakte ho koī himāqat
lekin puurī tayyārī se
donoñ ko mil ga.e bahāne
apnī apnī lāchārī se
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں