تبھی تو بھیڑ بے شمار ہے یہاں — شارق کیفی
شاعر
تبھی تو بھیڑ بے شمار ہے یہاں
تبھی تو بھیڑ بے شمار ہے یہاں
بری خبر کا انتظار ہے یہاں
جہان سارا اسپتال کیوں نہیں
کہ اجنبی بھی غم گسار ہے یہاں
نہ فصل مختلف ہے کھیت کھیت کی
نہ میڑھ پر کٹیلا تار ہے یہاں
یہ آئنہ یہ ٹوٹا پھوٹا آئنہ
یہی تو ایک اپنا یار ہے یہاں
قطار اس لیے بھی ٹوٹتی نہیں
خدا ہی اک دکان دار ہے یہاں
ہزار بار امتحاں میں بیٹھیے
وہی سوال بار بار ہے یہاں
شارق کیفی
tabhi to bhiD be-shumar hai yahan
tabhī to bhiiḌ be-shumār hai yahāñ
burī ḳhabar kā intizār hai yahāñ
jahān saarā aspatāl kyoñ nahīñ
ki ajnabī bhī ġham-gusār hai yahāñ
na fasl muḳhtalif hai khet-khet kī
na meḌh par kaTīlā taar hai yahāñ
ye aa.ina ye TūTā-phūTā aa.ina
yahī to ek apnā yaar hai yahāñ
qatār is liye bhī TūTtī nahīñ
ḳhudā hī ik dukān-dār hai yahāñ
hazār baar imtihāñ meñ baiThiye
vahī savāl bār-bār hai yahāñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں