تماشائی نہ مل پائے — شارق کیفی
شاعر
تماشائی نہ مل پائے
توجہ
وہ یہاں کس کو ملی ہے
خدا نے کیا کسر چھوڑی تھی کوئی
توجہ کھینچنے کی
مگر کیا ہاتھ آیا
تماشا گاہ تک لائے گئے تھے مفت میں ہم
ٹکٹ بھی واپسی کا جیب میں اس نے ہماری رکھ دیا تھا
کہ ہم بے فکر ہو کر کھیل کا اس کے مزہ لیں
فقط تعریف کرنے کے عوض
تالی بجانے کے عوض جنت
بڑا انعام تھا
تماشے روشنیوں کے بھی سب دلچسپ تھے
مگر پھر بھی ہمیں ایسا نہیں لگتا
تماشہ دھیان سے دیکھا کسی نے
وہ جس اک واہ کی خاطر
یہ سارا انتظام اس نے کیا تھا
دلوں سے وہ کبھی نکلی کسی کے
اگر یہ سب خدا کے ساتھ ہو سکتا ہے
تو ہم کیا
ہمارے چھوٹے موٹے کھیل کیا
بازی گری کیا
سبب بنتا نہیں شکوے کا کوئی
بلا مطلب تماشہ دیکھنے والوں سے اپنے ہم خفا ہیں
خدا کو جب یہاں اچھے تماشائی نہ مل پائے
تو ہم کیا ہیں
شارق کیفی
tamashai na mil pae
tavajjoh
vo yahāñ kis ko milī hai
ḳhudā ne kyā kasar chhoḌī thī koī
tavajjoh khīñchne kī
magar kyā haath aayā
tamāshā-gāh tak laa.e ga.e the muft meñ ham
ticket bhī vāpsī kā jeb meñ us ne hamārī rakh diyā thā
ki ham be-fikr ho kar khel kā us ke maza leñ
faqat tā'rīf karne ke 'evaz
taalī bajāne ke 'evaz jannat
baḌā in'ām thā
tamāshe raushnīyoñ ke bhī sab dilchasp the
magar phir bhī hameñ aisā nahīñ lagtā
tamāsha dhyān se dekhā kisī ne
vo jis ik vaah kī ḳhātir
ye saarā intizām us ne kiyā thā
diloñ se vo kabhī niklī kisī ke
agar ye sab ḳhudā ke saath ho saktā hai
to ham kyā
hamāre chhoTe moTe khel kyā
bāzīgarī kyā
sabab bantā nahīñ shikve kā koī
bilā matlab tamāsha dekhne vāloñ se apne ham ḳhafā haiñ
ḳhudā ko jab yahāñ achchhe tamāshā.ī na mil paa.e
to ham kyā haiñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں