طرح طرح سے مرا دل بڑھایا جاتا ہے — شارق کیفی
شاعر
طرح طرح سے مرا دل بڑھایا جاتا ہے
طرح طرح سے مرا دل بڑھایا جاتا ہے
مگر کہے سے کہیں مسکرایا جاتا ہے
ابھی میں سوچ رہا تھا کہ کچھ کہوں تجھ سے
کہ دیکھتا ہوں ترا گھر سجایا جاتا ہے
گناہ گاروں میں بیٹھے تو انکشاف ہوا
خدا سے اب بھی بہت خوف کھایا جاتا ہے
نئے نئے وہ اداکار جانتے ہی نہ تھے
کہ پردہ گرتے ہی سب بھول جایا جاتا ہے
توقعات کا یوں بھی خیال رکھتا ہوں
بڑے یقیں سے مجھے آزمایا جاتا ہے
تمام عمر ملائی جنوں کی تال سے تال
یہ گیت سب سے کہاں گنگنایا جاتا ہے
اب اس طرح کی محبت کبھی نہ ہو شاید
کہ درمیاں میں کہیں جسم آیا جاتا ہے
سمجھ میں آئے نہ آئے یہ کچھ ہوا ہے ضرور
یقیں جو تجھ پہ مرا ڈگمگایا جاتا ہے
شارق کیفی
tarah tarah se mera dil baDhaya jata hai
tarah tarah se mirā dil baḌhāyā jaatā hai
magar kahe se kahīñ muskurāyā jaatā hai
abhī maiñ soch rahā thā ki kuchh kahūñ tujh se
ki dekhtā huuñ tirā ghar sajāyā jaatā hai
gunāhgāroñ meñ baiThe to inkishāf huā
ḳhudā se ab bhī bahut ḳhauf khāyā jaatā hai
na.e na.e vo adākār jānte hī na the
ki parda girte hī sab bhuul jaayā jaatā hai
tavaqquāt kā yuuñ bhī ḳhayāl rakhtā huuñ
baḌe yaqīñ se mujhe āzmāyā jaatā hai
tamām umr milā.ī junūñ kī taal se taal
ye giit sab se kahāñ gungunāyā jaatā hai
ab is tarah kī mohabbat kabhī na ho shāyad
ki darmiyāñ meñ kahīñ jism aayā jaatā hai
samajh meñ aa.e na aa.e ye kuchh huā hai zarūr
yaqīñ jo tujh pe mirā Dagmagāyā jaatā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں