تجھ سے وابستہ شاعری کے بغیر — شارق کیفی
شاعر
تجھ سے وابستہ شاعری کے بغیر
تجھ سے وابستہ شاعری کے بغیر
کچھ نہیں میں تری کمی کے بغیر
ہے بڑا کام با وفا رہنا
بے وفائی کی تازگی کے بغیر
تم تو پہچاننا ہی بھول گئے
لمس کو میرے روشنی کے بغیر
شکریہ آپ کی محبت کا
میں بہت خوش ہوں اس خوشی کے بغیر
کیا بتاؤں مجھے وہ کیسا لگا
جانی پہچانی بے رخی کے بغیر
ویسے مشکل تو میری عام سی ہے
حل نہیں ہوگی خود کشی کے بغیر
میں تجھے کیسے جان سکتا تھا
تیرے دشمن سے دوستی کے بغیر
شارق کیفی
tujhse wabasta shairi ke baghair
tujh se vābasta shā'irī ke baġhair
kuchh nahīñ maiñ tirī kamī ke baġhair
hai baḌā kaam bā-vafā rahnā
bevafā.ī kī tāzgī ke baġhair
tum to pahchānñā hī bhuul ga.e
lams ko mere raushnī ke baġhair
shukriya aap kī mohabbat kā
maiñ bahut ḳhush huuñ is ḳhushī ke baġhair
kyā batā.ūñ mujhe vo kaisā lagā
jānī-pahchānī be-ruḳhī ke baġhair
vaise mushkil to merī 'aam sī hai
hal nahīñ hogī ḳhud-kushī ke baġhair
maiñ tujhe kaise jaan saktā thā
tere dushman se dostī ke baġhair
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں