اداس ہیں سب پتا نہیں گھر میں کیا ہوا ہے — شارق کیفی
شاعر
اداس ہیں سب پتا نہیں گھر میں کیا ہوا ہے
اداس ہیں سب پتا نہیں گھر میں کیا ہوا ہے
ہمارا اتنا خیال کیوں رکھا جا رہا ہے
کچھ اتنا خوش فہم ہو گیا ہوں کہ اپنا چہرہ
پرائی آنکھوں سے جب بھی دیکھا برا لگا ہے
ابھی تو اچھی لگے گی کچھ دن جدائی کی رت
ابھی ہمارے لیے یہ سب کچھ نیا نیا ہے
خوشی ہوئی تھی کہ اب میں تنہا نہیں ہوں لیکن
یہ شخص تو میرے ساتھ چلتا ہی جا رہا ہے
مجھے تو اس بات کی خوشی ہے کہ اب بھی مجھ میں
کسی پہ بھی اعتبار کرنے کا حوصلہ ہے
شارق کیفی
udas hain sab pata nahin ghar mein kya hua hai
udaas haiñ sab patā nahīñ ghar meñ kyā huā hai
hamārā itnā ḳhayāl kyuuñ rakkhā jā rahā hai
kuchh itnā ḳhush-fahm ho gayā huuñ ki apnā chehra
parā.ī āñkhoñ se jab bhī dekhā burā lagā hai
abhī to achchhī lagegī kuchh din judā.ī kī rut
abhī hamāre liye ye sab kuchh nayā nayā hai
ḳhushī huī thī ki ab maiñ tanhā nahīñ huuñ lekin
ye shaḳhs to mere saath chaltā hī jā rahā hai
mujhe to is baat kī ḳhushī hai ki ab bhī mujh meñ
kisī pe bhī e'tibār karne kā hausla hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں