اس دھوکے نے توڑ دیا ہے اتنا مجھ کو — شارق کیفی
شاعر
اس دھوکے نے توڑ دیا ہے اتنا مجھ کو
اس دھوکے نے توڑ دیا ہے اتنا مجھ کو
اب کچھ بھی سمجھا لیتی ہے دنیا مجھ کو
یاروں نے کیا خوب جنوں کا توڑ نکالا
سب نے مل کر چھوڑ دیا سمجھانا مجھ کو
اس نے مجرم ٹھہرایا تو مان گیا میں
ویسے کوئی یاد نہیں تھا وعدہ مجھ کو
اوروں کی جاں میں خطرے میں ڈال نہ پایہ
کشتی کشتی ڈھونڈ رہا تھا دریا مجھ کو
اس صورت میں یار بھلا کیا کر سکتے تھے
توڑ رہا تھا اندر کا سناٹا مجھ کو
مجھ کو پڑھنا مجھے سمجھنا کیا لازم ہے
جھوم جھوم کے بند کرو دہرانا مجھ کو
شارق کیفی
us dhoke ne toD diya hai itna mujhko
us dhoke ne toḌ diyā hai itnā mujh ko
ab kuchh bhī samjhā letī hai duniyā mujh ko
yāroñ ne kyā ḳhuub junūñ kā toḌ nikālā
sab ne mil kar chhoḌ diyā samjhānā mujh ko
us ne mujrim Thahrāyā to maan gayā maiñ
vaise koī yaad nahīñ thā vā'da mujh ko
auroñ kī jaañ maiñ ḳhatre meñ Daal na paaya
kashtī kashtī DhūñD rahā thā dariyā mujh ko
is sūrat meñ yaar bhalā kyā kar sakte the
toḌ rahā thā andar kā sannāTā mujh ko
mujh ko paḌhnā mujhe samajhnā kyā lāzim hai
jhuum jhuum ke band karo dohrānā mujh ko
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں