واقعی جھوٹ تھا کیا — شارق کیفی
شاعر
واقعی جھوٹ تھا کیا
بات سن کر مری وہ ہنسا
تو مجھے بھی لگا بات ہنسنے کی ہے
خیر اچھا ہوا
ورنہ میں زندگی بھر کسی جھوٹ کو جیتا رہتا
مگر کون سا جھوٹ
وہ رونا تڑپنا مرا واقعی جھوٹ تھا کیا
تو پھر کس نتیجے پہ پہنچا ہوں میں
صرف اتنا ہی شاید
کہ میں آج یہ جانتا ہوں
کسی کو سمجھنے پرکھنے کا کئی وظیفہ نہیں
بس وہی بات جو
لب تلک آ نہ پائے لطیفہ نہیں
شارق کیفی
waqai jhuTh tha kya
baat sun kar mirī vo hañsā
to mujhe bhī lagā baat hañsne kī hai
ḳhair achchhā huā
varna maiñ zindagī bhar kisī jhūTh ko jiitā rahtā
magar kaun sā jhūTh
vo ronā taḌapnā mirā vāqa'ī jhūTh thā kyā
to phir kis natīje pe pohñchā huuñ maiñ
sirf itnā hī shāyad
ki maiñ aaj ye jāntā huuñ
kisī ko samajhne parakhne kā koī vazīfa nahīñ
bas vahī baat jo
lab talak aa na paa.e latīfa nahīñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں