وہ دن بھی کیسا ستم مجھ پہ ڈھا کے جائے گا — شارق کیفی
شاعر
وہ دن بھی کیسا ستم مجھ پہ ڈھا کے جائے گا
وہ دن بھی کیسا ستم مجھ پہ ڈھا کے جائے گا
جب اس کی شکل نہیں نام دھیان آئے گا
اداس شام کی تنہائیوں میں میرا خیال
شفق کا لال دوپٹہ تجھے اوڑھائے گا
ابھی تو خیر خیالوں میں آنا جانا ہے
کچھ ایک دن میں یہ رشتہ بھی ٹوٹ جائے گا
بچھڑتے وقت نمی بھی نہ آئی آنکھوں میں
ہمیں گماں تھا یہ منظر بہت رلائے گا
کسے خبر تھی مرا ہی گڑھا ہوا کردار
مرے ہی ہاتھ میں انگلی نہیں تھمائے گا
شارق کیفی
wo din bhi kaisa sitam mujh pe Dha ke jaega
vo din bhī kaisā sitam mujh pe Dhā ke jā.egā
jab us kī shakl nahīñ naam dhyān aa.egā
udaas shaam kī tanhā.iyoñ meñ merā ḳhayāl
shafaq kā laal dupaTTa tujhe uḌhā.egā
abhī to ḳhair ḳhayāloñ meñ aanā jaanā hai
kuchh ek din meñ ye rishta bhī TuuT jā.egā
bichhaḌte vaqt namī bhī na aa.ī āñkhoñ meñ
hameñ gumāñ thā ye manzar bahut rulā.egā
kise ḳhabar thī mirā hī gaḌhā huā kirdār
mire hī haath meñ unglī nahīñ thamā.egā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں