وہ دن بھی تھے کہ ان آنکھوں میں اتنی حیرت تھی — شارق کیفی
شاعر
وہ دن بھی تھے کہ ان آنکھوں میں اتنی حیرت تھی
وہ دن بھی تھے کہ ان آنکھوں میں اتنی حیرت تھی
تمام بازی گروں کو مری ضرورت تھی
وہ بات سوچ کے میں جس کو مدتوں جیتا
بچھڑتے وقت بتانے کی کیا ضرورت تھی
پتا نہیں یہ تمنائے قرب کب جاگی
مجھے تو صرف اسے سوچنے کی عادت تھی
خموشیوں نے پریشاں کیا تو ہوگا مگر
پکارنے کی یہی صرف ایک صورت تھی
گئے بھی جان سے اور کوئی مطمئن نہ ہوا
کہ پھر دفاع نہ کرنے کی ہم پہ تہمت تھی
کہیں پہ چوک رہے ہیں یہ آئنے شاید
نہیں تو عکس میں اب تک مری شباہت تھی
شارق کیفی
wo din bhi the ki in aankhon mein itni hairat thi
vo din bhī the ki in āñkhoñ meñ itnī hairat thī
tamām bāzī-garoñ ko mirī zarūrat thī
vo baat soch ke maiñ jis ko muddatoñ jiitā
bichhaḌte vaqt batāne kī kyā zarūrat thī
patā nahīñ ye tamannā-e-qurb kab jaagī
mujhe to sirf use sochne kī 'ādat thī
ḳhamoshiyoñ ne pareshāñ kiyā to hogā magar
pukārne kī yahī sirf ek sūrat thī
gaye bhī jaan se aur koī mutma.in na huā
ki phir difā' na karne kī ham pe tohmat thī
kahīñ pe chuuk rahe haiñ ye aa.ine shāyad
nahīñ to 'aks meñ ab tak mirī shabāhat thī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں