وہ نگاہیں جو ہزاروں کی سنا کرتی تھیں — شارق کیفی
شاعر
وہ نگاہیں جو ہزاروں کی سنا کرتی تھیں
وہ نگاہیں جو ہزاروں کی سنا کرتی تھیں
فیصلے میرے اشاروں پہ لیا کرتی تھیں
اس برس اس سے بچھڑنا تھا تو کیا کیا نہ ہوا
ورنہ کب اتنی ملاقاتیں ہوا کرتی تھیں
مجھ کو دیکھے بنا جی پاؤ تو اب مت آنا
یہی باتیں تو پھر آنے کو کہا کرتی تھیں
اب یقیں کر کہ مرے دل میں کوئی بات نہیں
رنجشیں تھیں تو ابھرتی بھی رہا کرتی تھیں
اب جن آنکھوں کی اداسی کے بہت چرچے ہیں
کل تلک کتنے حسیں خواب بنا کرتی تھیں
شارق کیفی
wo nigahen jo hazaron ki suna karti thin
vo nigāheñ jo hazāroñ kī sunā kartī thiiñ
faisle mere ishāroñ pe liyā kartī thiiñ
is baras us se bichhaḌnā thā to kyā kyā na huā
varna kab itnī mulāqāteñ huā kartī thiiñ
mujh ko dekhe binā jī paao to ab mat aanā
yahī bāteñ to phir aane ko kahā kartī thiiñ
ab yaqīñ kar ki mire dil meñ koī baat nahīñ
ranjisheñ thiiñ to ubhartī bhī rahā kartī thiiñ
ab jin āñkhoñ kī udāsī ke bahut charche haiñ
kal talak kitne hasīñ ḳhvāb bunā kartī thiiñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں