وہ سارے لفظ جھوٹے تھے — شارق کیفی
شاعر
وہ سارے لفظ جھوٹے تھے
محبت کی کمی
لفظوں سے پوری کر رہا تھا میں
مگر جب آج
میں سچ مچ میں اس کو چاہتا ہوں
اسے مجھ سے شکایت ہے خموشی کی
کوئی بتلائے اس کو
یہ خموشی ہی تو سچی ہے
وہ سارے لفظ جھوٹے تھے
شارق کیفی
wo sare lafz jhuTe the
mohabbat kī kamī
lafzoñ se puurī kar rahā thā maiñ
magar jab aaj
maiñ sach-much meñ us ko chāhtā huuñ
use mujh se shikāyat hai ḳhamoshī kī
koī batlā.e us ko
ye ḳhamoshī hī to sachchī hai
vo saare lafz jhūTe the
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں