یہاں دماغ کہاں میں چلانے آتا ہوں — شارق کیفی
شاعر
یہاں دماغ کہاں میں چلانے آتا ہوں
یہاں دماغ کہاں میں چلانے آتا ہوں
یہاں تو بس تری باتوں میں آنے آتا ہوں
مرا مذاق اڑا کر تجھے جو ملتی ہے
اسی خوشی پہ یہاں مسکرانے آتا ہوں
زمانہ پہلے جسے ڈوبنا تھا ڈوب گیا
نہ جانے اب یہاں کس کو بچانے آتا ہوں
اب اس کا گھر تو زیارت کدہ ہے میرے لئے
سلامؔ کر کے کہیں اور جانے آتا ہوں
یہ ڈوبتا ہوا سورجؔ تو اک بہانہ ہے
میں اک ندی کو سمندر دکھانے آتا ہوں
ہدف تو اور کوئی ہے مگر تمہارے پاس
ذرا نشانے کو بہتر بنانے آتا ہوں
حقیقتوں پہ جھگڑنے کے دن گئے شارقؔ
اب اس کے جھوٹ پہ تالی بجانے آتا ہوں
شارق کیفی
yahan dimagh kahan main chalane aata hun
yahāñ dimāġh kahāñ maiñ chalāne aatā huuñ
yahāñ to bas tirī bātoñ meñ aane aatā huuñ
mirā mazāq uḌā kar tujhe jo miltī hai
usī ḳhushī pe yahāñ muskurāne aatā huuñ
zamāne pahle jise Dūbnā thā Duub gayā
na jaane ab yahāñ kis ko bachāne aatā huuñ
ab us kā ghar to ziyārat-kada hai mere liye
salām kar ke kahīñ aur jaane aatā huuñ
ye Dūbtā huā sūraj to ik bahāna hai
maiñ ik nadī ko samundar dikhāne aatā huuñ
hadaf to aur koī hai magar tumhāre paas
zarā nishāne ko behtar banāne aatā huuñ
haqīqatoñ pe jhagaḌne ke din ga.e 'shāriq'
ab us ke jhūTh pe taalī bajāne aatā huuñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں