یقیں خود پہ اتنا بڑی بات ہے — شارق کیفی
شاعر
یقیں خود پہ اتنا بڑی بات ہے
یقیں خود پہ اتنا بڑی بات ہے
اکیلے تماشہ بڑی بات ہے
ہزاروں سے رشتہ نبھاتے ہوئے
کسی کا نہ ہونا بڑی بات ہے
ہمیں یوں بھی تم یاد رہ جاؤ گے
برابر کا دھوکا بڑی بات ہے
شکاری سے بچنے میں کیسا کمال
نشانے پہ رہنا بڑی بات ہے
ترے بے مروت لبوں سے کوئی
بہانہ بھی سننا بڑی بات ہے
بڑا کام ڈھارس بندھانا نہیں
برابر سے رونا بڑی بات ہے
ٹھکانے لگاؤں کہاں خاک کو
ہوا کا یہ کہنا بڑی بات ہے
شارق کیفی
yaqin KHud pe itna baDi baat hai
yaqīñ ḳhud pe itnā baḌī baat hai
akele tamāsha baḌī baat hai
hazāroñ se rishta nibhāte hue
kisī kā na honā baḌī baat hai
hameñ yuuñ bhī tum yaad rah jāoge
barābar kā dhokā baḌī baat hai
shikārī se bachne meñ kaisā kamāl
nishāne pe rahnā baḌī baat hai
tire be-muravvat laboñ se koī
bahāna bhī sunñā baḌī baat hai
baḌā kaam Dhāras bañdhānā nahīñ
barābar se ronā baḌī baat hai
Thikāne lagā.ūñ kahāñ ḳhaak ko
havā kā ye kahnā baḌī baat hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں