یہ چپکے چپکے نہ تھمنے والی ہنسی تو دیکھو — شارق کیفی
شاعر
یہ چپکے چپکے نہ تھمنے والی ہنسی تو دیکھو
یہ چپکے چپکے نہ تھمنے والی ہنسی تو دیکھو
وہ ساتھ ہے تو ذرا ہماری خوشی تو دیکھو
بہت حسیں رات ہے مگر تم تو سو رہے ہو
نکل کے کمرے سے اک نظر چاندنی تو دیکھو
جگہ جگہ سیل کے یہ دھبے یہ سرد بستر
ہمارے کمرے سے دھوپ کی بے رخی تو دیکھو
دمک رہا ہوں ابھی تلک اس کے دھیان سے میں
بجھے ہوئے اک خیال کی روشنی تو دیکھو
یہ آخری وقت اور یہ بے حسی جہاں کی
ارے مرا سرد ہاتھ چھو کر کوئی تو دیکھو
ابھی بہت رنگ ہیں جو تم نے نہیں چھوئے ہیں
کبھی یہاں آ کے گاؤں کی زندگی تو دیکھو
شارق کیفی
ye chupke chupke na thamne wali hansi to dekho
ye chupke chupke na thamne vaalī hañsī to dekho
vo saath hai to zarā hamārī ḳhushī to dekho
bahut hasīñ raat hai magar tum to so rahe ho
nikal ke kamre se ik nazar chāñdnī to dekho
jagah jagah seel ke ye dhabbe ye sard bistar
hamāre kamre se dhuup kī be-ruḳhī to dekho
damak rahā huuñ abhī talak us ke dhyān se maiñ
bujhe hue ik ḳhayāl kī raushnī to dekho
ye āḳhirī vaqt aur ye be-hisī jahāñ kī
are mirā sard haath chhū kar koī to dekho
abhī bahut rañg haiñ jo tum ne nahīñ chhue haiñ
kabhī yahāñ aa ke gaañv kī zindagī to dekho
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں